Allah yana Tausaya ma Najeriya sosai>>Shugaba Buhari

Shugaban kasa Muhammadu Buhari, a ranar Talata, ya ce Allah yana tausaya wa Najeriya.

 

Ya fadi hakan ne a yayin da wasu Kungiyoyin Lafiya ta (JOHESU) da kuma (AHPA) suka ziyarce shi a Fadar Shugaban Kasa, Abuja.

 

Buhari ya yi kira a gare su da su dauki juriya da kuma jajir cewa wajan gudanar da ayyukan su.

 

Buhari ya jaddada cewa nasarorin da gwamnatin sa ta samu Shine wajen samar da wadatar abinci a cikin shekaru hudu da suka gabata.

 

A karshe ya rufe da godiya inda yace “Mun gode wa Allah. Allah ya tausaya mana. Lokaci uku na damina da suka gabata sunyi kyau. Muna da kyakkyawan hangen nesa wajen samar da takin zamani, muka wadatar da shi kuma mun samu Nasara”

© Abubakar Saddiq