Wasu mabiya addinin Hindu a kasar India sun shirya bikin shan fitsarin shanu dan neman tsari daga kamuwa da cutar nan data addabi Duniya aka kasa samo maganinta watau Coronavirus/COVID-19.
An shirya bikinne a Ranar Asabar din data gabata, kamar ganda Reuters ta Ruwaito.
Masana sun sha yiwa mutanen kasar ta India gargadin cewa Fitsarin shanu baya maganin cutar amma saboda imaninsu da tsarkin da suke ga Shanu na da shi sun ki jin wancan gargadi.
Wani me suna Om Prakash daya halarci bikin shan fitsarin daya samu halartar mutane 200 ya bayyana cewa sun dade dama suna wanka da kashin shanun dan neman tsari.
Prakash ya kara da cewa sun dade suna shan fitsarin shanu, kimanin shekaru 21 kenan suna yin haka kuma basa bukatar shan maganin turawa.
‘Ya jam’iyya me mulki ta kasar ta India sun sha fadar cewa fitsari da kashin shanu na maganin cutar daji da sauran cututtuka.
Cutar Coronavirus/COVID-19 ta kama mutane 138,000 sannan ta kashe wasu 5,000. Ya zuwa yanzu ba’a san takamaimai maganin cutarba
© hutudole
Post a Comment