Kotun daukaka kara ta mayar da Oshiomhole a matsayin shugaban APC: Ya kira taron gaggawa

Kotun daukaka kara dake babban birnin tarayya,Abuja a Ranar Litinin,16 ga watan Maris ta mayar da Adams Oshiomhole a matsayin shugaban jam’iyyar APC inda ta yi watsi da hukuncin babbar kotun gwamnatin tarayya na dakatar dashi.

 

Kotun karkashin jagorancin mai shari’a Abubakar Datti Yahaya na alkalai 3 ne ya bayyana haka . Ya jawo hankulan jam’iyyu da su rika kokarin warware matalolinsu a cikin gida maimakon damun kotu.

 

Jim kadan bayan mayar dashi shugaban jam’iyyar,Adams Oshiomhole ya kira taron gaggawa na kwamitin gudanarwa na jam’iyyar da za’a yi a yau, Talata, 17 ga watan Maris a sakatariyar jam’iyyar dake Abuja da misslin karfe 12.

 

Me hulda da jama’a na jam’iyyar Lanre Issa-Onilu ne ya bayyanawa manema labarai haka inda yace ana bukatar duk wadanda ke cikin kwamitin su halarci taron dan za’a tattauna muhimman batutuwa.

 

 

© hutudole