Magidanci Da Matarsa Da ‘Ya’yansa Biyu Sun Rasu Bayan Da Motar Dangote Ta Buge Su A Kano

Wata motar siminitin Dangote ta hallaka mutane hudu a unguwar Gaida dake Kano.

 

Gidan Radion Freedom Kano ya rawaito cewa lamarin da ya faru ya rutsa ne da wani magidanci mai suna Muhammad Sagir mai shekaru 40 tare da matarsa da ‘ya’yansa uku wadanda suke tafiya akan babur lokacin da al’amarin ya faru.

 

Kakakin rundunar ‘yan sanda ta jihar Kano DSP Abdullahi Haruna Kiyawa ya tabbatarwa da faruwar al’amarin, inda ya ce ‘yan sanda sun kwashi mutane biyar da hadarin ya rutsa da su zuwa asibitin kwararru na Murtala Muhammad.

 

Sai dai magidancin da matarsa da ‘ya’yan sa biyu sun rasu, yayin da daya daga cikin ‘ya’yan mutumin ya tsira da ransa.

 

Kakakin ‘yan sandan na Kano ya ce tuni ‘yan sanda suka cafke motar Dangoten sannan suna cigaba da bincike domin cafke direban motar wanda ya tsere bayan faruwar lamarin.

© hutudole