Wani direba da ake zargi ya bugu da maye, a ranar Asabar, ya buge mutane shida a Ogwashi-Uku, Delta, inda ya kashe mutane biyu da kuma barin wasu mutam hudu da munanan raunuka.
Wata majiya ta shaida wa NAN cewa mutanen shida da lamarin ya rutsa da su, a cikinsu, akwai wata mata ‘yar shekara 57 da‘ yarta, a yayin da suke dawowa gida bayan sun je tsabtace majami’arsu, kafin hidimar Lahadi.
Majiyar ta ce wadanda abin ya rutsa da su na tafe suna komawa gida a barikin Ogbenti-Obi, lokacin da direban, wanda ake zargi ya bugu ne, ya bi takansu, lamarin dai ya farune da misalin 10:25 na safe.
Biyu daga cikinsu, mace da’ yarta sun mutu. Matar ta mutu a daidai wurin, yayin da yarinyar ta mutu a asibiti, ”inji majiyar.
Ya ce, an ajiye gawar mamatan a dakin ajiye gawa na babban asibitin, Ogwashi-Uku, yayin da mutane hudu da suka jikkata ke karbar magani a asibiti guda.
Majiyar ta tabbatar da cewa tuni an cafke shi kuma an mika shi ga Jami’an yan sanda.
Lokacin da aka tuntubi, jami’in hulda da jama’a na ‘yan sanda na jihar, DSP Onome Onovwakpoyeya ya tabbatar da faruwar lamarin.
Daman dai masana sun bayyana illar da shan barasa ke haifarwa ga lafiyar jikin dan Adam baya ga haramcin ta, a Addinin Musulunci.
Giya Na haifar da Masaloli masu yawa, kadan daga ciki, tana haifar da motsewar Hanta tana haifar da Kumburin zuciya kuma da rikicewar kwakwalwa.
© Abubakar Saddiq
Post a Comment