Ko shakka babu, alamu na nuna yiwuwar dakatar da ci-gaba da aiwatar da sana’ar Adaidaita a fadin Jihar Kano baki daya, amma dai yanzu tukunna ba za mu ce komai ba a kan wannan sana’a da Matasan wannan Jiha ta yi wa rubdugu. Dalili kuwa, Jami’an tsaro na nan suna ci gaba da aiki tare da yin bincike, da zarar sun kammala kuma za su tattaro mana bayanan da suka tace a kai, sannan mu kuma mu sake duba wa don yin hukuncin da ya dace ko dai a ci gaba da aiwatar da sana’ar ko kuma a hana yin ta kwata-kwata a fadin wannan Jiha ta Kano.
Wannan bayani ya fito ne kai tsaye daga bakin Hon. Dakta Baffa Babba Dan’Agundi, tsohon Shugaban masu rinjaye a Majalisar Dokokin Jihar Kano sannan kuma sabon Shugaban Hukumar KAROTA, a yayin da yake zantawa da mane ma labarai, ciki kuwa har da Jaridar Leadership A Yau a Ofishinsa da ke Kanon, ranar Litinin din nan da ta gabata.
©HausaLoaded
Post a Comment