- Cristiano wanda yake taka leda a kungiyar kwallon kafa ta Juventus ya samu wannan nasara ne a farkon wannan shekara ta 2020
- Dan wasan wanda yake dan asalin kasar Portuagal ya shigo wannan shekara da kafar dama
Fitaccen dan wasan kungiyar kwallon kafa na Juventus kuma dan asalin kasar Portugal, Cristiano Ronaldo ya bar tarihi a dandalin sada zumunta na Instagram, bayan ya samu mabiya miliyan 200.
Shekarar 2020 bisa dukkan alamu shekarar sa’a ce ga fitaccen dan wasan, bayan ya sake samun wannan gagarumar nasara a rayuwa.
Wannan dai ita ce nasara ta farko da ya samu a shekarar 2019, inda ta faru a ranar 29 ga watan Janairu, 2020.
Cristiano ya bar tarihi a duniya, yayin da ya zama mutum na farko da yafi kowa mabiya a Instagram a duniya
Mai biye mishi ita ce Ariana Grande, wacce ke da mabiya miliyan 172. Daga ita kuma sai fitaccen dan wasan kokawar nan kuma jarumin wasan fim na kasar Amurka, wato Dwayne Johnson wanda aka fi sani da The Rock, inda yake da mabiya miliyan 169.
Ga jerin manyan mutanen da suke da mabiya mafi yawa a duniya a kasa:
1. Instagram (@Instagram): 330 million followers.
2. Cristiano Ronaldo (@cristiano): 200 million followers.
3. Ariana Grande (@arianagrande): 172 million followers.
4. Dwayne Johnson (@therock): 169 million followers.
5. Selena Gómez (@selenagomez): 166 million followers.
6. Kylie Jenner (@kyliejenner): 158 million followers.
7. Kim Kardashian (@kimkardashian): 157 million followers.
8. Lionel Messi (@leomessi): 141 million followers.
9. Beyoncé (@beyonce): 138 million followers.
10. Neymar (@neymarjr): 131 million followers.
Hakan na nuni da cewa dan wasan koda a yanzu zai daina taka leda a duniya, to wannan nasara da ya samu a Instagram ta isa ta sanya ya dinga samun makudan kudade a kowacce rana.
Fannin sada zumunta dai ya zama wajen samun kudi ga mutane da yawa a duniya, inda wasu ke kashe makudan kudade domin fara sana'a a kafafen sada zumunta.
©HausaLoaded
Post a Comment