- Ana samun iyaye wadanda suke da tsattsauran ra'ayi, suce dole sai 'ya'yansu sunyi karatun boko kafin suyi musu aure
- Yanzu wani zamani ne da muke ciki da ba wuya halayen yara ya gurbace, musamman 'ya'ya mata
Akwai babbar matsala ga halayen 'yan mata wadanda suka nemi iyayensu suyi musu aure suka ki. 'Yan mata masu yawan gaske suna shiga harkar karuwanci, shaye-shaye, idan har suka bukaci aure iyayensu suka ki yi musu.
A lokuta da dama 'yan mata na bukatar aure sai iyayensu suki amincewa saboda suna so suyi karatu, ko kuma ta kawo wanda basu so, kuma wani dalili nasu.
Akwai wata yarinya da ta bukaci mahaifinta yayi mata aure, har ta kawo mishi saurayin da take so, amma uban yarinyar yaki yarda, a karshe yarinyar ta rubuta masa wata wasika, inda take cewa: "Na tafi idan ka zo lahira Allah zai yi mana hisabi." Kawai sai ta hau saman bene ta fado ta mutu a take a gurin.
Haka ita ma wata budurwa ta samu mahaifinta akan tana son yayi mata aure ko kuma ta shiga duniya.
Iyaye na da babban kalubale a gaban su, idan aka yi la'akari da irin abubuwan da ke faruwa a wannan lokacin, akan yadda yara ke lalacewa, da kuma wannan sabon bala'in da ya fito na yanzu, wanda haka kawai za a iske mutum ya kashe kanshi.
©HausaLoaded
Post a Comment