Gidan Technology Da Media : Islam

Wata mata ta zo daga Amurka domin ta yi ido biyu da Sheikh Dahiru Bauchi

<center><img src="https://blogger.googleusercontent.com/img/b/R29vZ2xl/AVvXsEhVXnzX0IRmEtbqrc2KyM0_LCXGmctWhg2RFuzyNHuDv5ni-L2xMAEZ5kYKui8YZ4_z90OjkOJqIBjwviwb57IBQcskBuhGWLLh5vXH-WO40piKP9q7Sg0xPzW88VEofLJvWGkghU_TbeWu/s1600/FB_IMG_1555653169988.jpg"></center> 
Wata mata mai suna Hilda Lainjo daga ƙasar Amuruka ta yi tattaki na musamman zuwa Nijeriya domin ta ziyarci Maulanmu Sheikh Dahiru Usman Bauchi. Lainjo ta shaidawa Shehu RTA cewa ita daga Amuruka take kuma tace dalilin zuwanta shine domin ta ga Shehu ta ziyarce shi. 
 
Ga dai abinda ta shaidawa Shehi da bakinta: 
 
" Ya shehi ni dai daga ƙasar America nake nazo nan najeriya ne domin inganka inga lafiyarka in ziyarceka kayi min addu'a insamu albarkanka da kuma kwanciyar zuciyata a cikin rayuwata ya sheikh." 
 
Shehi yayi maraba da zuwanta daga bisani kuma yayi mata addu'a kamar haka : 
 
" To Allah ya biya miki dukkan bukatun ki na duniya da na lahira. Ameen thumma amin." 
 
Allah ya ƙarawa Shehu girma da karama amin. 
Rariya.

Wata mata ta zo daga Amurka domin ta yi ido biyu da Sheikh Dahiru Bauchi

Wata mata mai suna Hilda Lainjo daga ƙasar Amuruka ta yi tattaki na musamman zuwa Nijeriya domin ta ziyarci Maulanmu Sheikh Dahiru Usman Bauchi. Lainjo ta shaidawa Shehu RTA cewa ita daga Amuruka tak…

Bidiyon da ake yadawa cewa naje shakatawa a Amurka da matata ba gaskiya bane - Inji Kabiru Gombe

<center><img src="https://blogger.googleusercontent.com/img/b/R29vZ2xl/AVvXsEj9vdZtAxIWs6zrOysACq74URLK9u_nj4peuJ8XD4-DgKEiCNKK1w5ALv3sD7AoDpBm_S2hBRlzIXggBlQ6h_oB1AjNihyphenhyphenwIPlkUjtJCiB1jgZE5kE6bp52NW4orSpwznTy23w31ynQH-SP/s1600/FB_IMG_1555652734254.jpg"></center> 
Da farko Sheikh Kabiru Gombe yace, "Wani ya yi rubutu a Facebook, kuma ya ce wani malami ne ya saka shi yin haka. 
 
Malam Kabir Gombe ya ce "an yi rubutu an ce gashi bayan zabe Shugaba Bala Lau da sakataren sa gasu can sun fito yawon shakatawa bayan zabe ya kare, sun karbi kudin Buhari sun tafi yawan shakatawa". 
 
Sai Malam Kabiru ya tambayi mahalarta taron "shin na zo da matata kasar nan? sai duk suka amsa da a'a, ba ka zo da matar ka kasar Amurka ba. 
 
Sai malam yace akwai wani bidiyo da aka yada wai nazo Amurka tare da iyalina da kuma shugaba muna shakatawa, sai yace, ya ce wannan bidiyo ba a kasar nan aka yi shi ba, ya ce akwai lokacin da muka je Umara tare da iyalina, sai wani abokina ya kawo min ziyara, shi abokin nawa mazaunin can kasar Saudiyya ne, sai daya koma gida sai ya fadawa iyalin sa, sai matar abokin sa tace ya kamata ka kai ni gun matar Sheikh mu gaisa sai ya kawo ta. 
 
Bayan sun gaisa sai tace ma matar Sheikh ki roka mana malam mu je JIDDA ki ga ruwa mu dan fita shan iska haka, to bayan malam ya gama umra sai ya fita tare da abokin sa da matan su, su biyun, bayan sun isa JIDDA sai suka yi hayar jirgi suka shiga ruwa , malam yace sai matar sa tayi bidiyo. 
 
Bayan ta yi bidiyo sai ta saka shi a Profile dinta, sai wasu mata suka dauke sai bidiyo ya fita. 
 
Ya ce yanzu haka da fitar bidiyon ya kai shekara, amma magauta suka dauka suna yadawa akan mun ci kudin 'yan siyasa sai muka fita tare da matan mu kasar Amurka yawon shakatawa. 
Rariya.

Bidiyon da ake yadawa cewa naje shakatawa a Amurka da matata ba gaskiya bane - Inji Kabiru Gombe

Da farko Sheikh Kabiru Gombe yace, "Wani ya yi rubutu a Facebook, kuma ya ce wani malami ne ya saka shi yin haka. Malam Kabir Gombe ya ce "an yi rubutu an ce gashi bayan zabe Shugaba Bala Lau da saka…

Innalillahi Wa'inna Ilaihirraj'un Mahaifiyar Shehin Malami Dr. Mansur Sokoto Ta Rasu

INNA LILLAHI WA'INNA ILAIHI RAJI'UN Mahaifiyar Shehin Malami Dr. Mansur Sokoto Ta Rasu Allah Ya yi wa mahaifiyar Sheikh Dr. Mansur Sokoto rasuwa a daren nan. Za a sallaci gawar ta a Masallacin Shehu …

Sunayen Allah (99) Tare Da Fa'idar Kowane Suna Da Kuma Yadda Za A Yi Amfani Da Shi

<center><img src="https://us.123rf.com/450wm/mrhighsky/mrhighsky1506/mrhighsky150600164/41506541-99-names-of-allah-in-islam.jpg"></center> 
KARANTA KA KARU 
Huwaallahul ladhii laa ilaaha illaa huwa. 
 
Allahu (Sunane na ubangiji) 
shin ne madaukaki acikin sunayensa. Yana daga fa'idar sa idan mutum ya karanta shi sau dubu (1000) Allah zai bashi lafiya ga kowane irin ciwo da ya dame shi. 
 
1. ARRAHMANU. 
(Sarki mai ba kowa da kowa) 
Yana daga fa'idar sa wanda ya karanta (100) bayan kowace Sallar farilla ubangiji zai kiyaye shi ga barin rabkana da kuma samun fahimta. 
 
2. ARRAHIMU. 
(Mai jinkan muminai). 
Yana daga fa'idarsa wanda ya karanta shi sau (100) ubangiji zai saki ga66ansa wajen yin ibada. 
 
3. AL-MALIKU. 
(Mai gyara bayinsa) 
Fa'idarsa a karanta shi sau (100) bayan rana tayi zawali domin samun tsarki a zuciya da samun wadata. 
 
4. AL-KUDDUSU 
( Tsarkakakke ga barin tawaya). 
Ana karanta shi sau (100) Allah zai kar6i ibadar wanda ya karanta shi kuma zai yarda da shi. 
 
5. ASSALAMU 
(Mai shigar da bayinsa muminai aljanna). 
A karanta shi sau (121) ga mara lafiya. Allah zai bashi lafiya nan take da izinin Allah. 
 
6. AL-MUMINU 
(Mai bawa annabawa mu'ujiza) 
Wanda ya karanta shi sau (36) Allah zai aminta da shi daga dukkan abin tsoro. 
 
7. AL-MUHAIMINU 
(Mai tsinkayar ayyukan halitta). 
Wanda ya karanta shi sau (100) Allah zai kame ga66ansa ga barin sa6o. 
 
8. AL-AZIIZU 
(Mai girman alkadari). 
Wanda ya karanta shi sau (40) kwana (40) a jere, Allah zai wadata shi ga barin rokon halittarsa. 
 
9. AL-JABBAARU 
(Mai gyara bayinsa) 
Wanda yake karanta shi a kowace safiya sau (226) ubangiji zai bashi rinjaye ga dukkan azzalumai. 
 
10. AL-MUTAKABBIRU 
(Tsarkakakken sarko). 
Wanda ya shi sau (10) yayin da zai sadu da iyalinsa Allah zai azurta shi da 'da namiji. 
 
11. AL-KHAALIKU 
(mai samar da halitta) 
wanda ya karanta shi sau (100) a tsakiyar dare Allah zai haskaka zuciyarsa zai ya bashi kwarjini a fuska. 
 
AL-BARI'U 
12. (mahalicci) 
Yana daga fa'idarsa a karanta sau (100) kullum har kwana (7) Allah zai kiyaye wanda ya karanta daga dukkan cutuka masu wuyar magani. 
 
13. AL-MUSAWWIRU 
(mai kyautata halittar bayinsa) 
wanda ya karanta sau (21) a kullum Allah zai bashi hikima cikin sana'arsa. 
 
14. AL-GAFFARU. 
(Mai suturce zunuban bayinsa) 
Wanda ya karanta shi sau (100) bayan sallar juma'a alamomin albarka za su lullu6e shi. 
 
15. AL-KAHHARU 
(Mai baiwa). 
Wanda ya yawaita karanta shi ubangiji zai bashi kwarjini wurin al'umma. 
 
16. AL-WAHHABU 
(Mai karya makiyan addininsa). 
Wanda ya yawaita karanta shi Allah zai azurta shi da hakuri da kadan 
 
17. AR-RAZZAKU 
(mai shimida baiwarsa) 
Fa'idarsa wanda yake karanta shi sau (10) kullum bayan sallar asubahi zai samu biyan bukatarsa cikin gaggawa. 
 
18. AL-FATTAHU. 
(Mai bude kofofin fake). 
Wanda yake karanta shi sau (71) a kullum Allah zai bashi hasken zuciya. 
 
19. AL-ALIMU 
(Masanin komai) Yana daga 
fa idarsa samun ilimi da sanin ubangiji. 
 
20. AL-KABIDU 
(mai damke arzikin wanda yaso) 
Wanda ya rubuta shi sau (4) har kwana (40) Allah zai kiyaye shi daga ciwon ciki. 
 
21. AL-BASIDU 
(Mai ciyar da bayinsa) 
wanda ya karanta sau (10) bayan sallar walha ubangiji zai bude masa kofofin wadata. 
 
22. AL-KHAFIDU 
(mai kunyata makiyan addininsa) 
wanda ya karanta shi sau (500) Allah zai isar masa da duk abinda ya dame shi. 
 
23. AR-RAFI'U 
(Mai daukaka waliyansa) 
Wanda yake karanta shi sau (70) Allah zai kiyaye shi daga zaluncin azzalumai. 
 
24. AL-MU'IZZU. 
(Mai bada mulki). 
Wanda yake karanta shi sau (40) a kullum Allah zai bashi kwarjini. 
 
25. AL-MUZILLU 
(Mai ta6ar da azzalumai) 
Wanda ya karanta shi sau (75) Allah zai ku6utar dashi daga dukkan hadari. 
 
26. AS-SAMI'U 
(Maji rokon bayinsa). 
Wanda ya karanta ranar juma'a bayan sallar walha zai zamo mujabu da'awati. 
 
27. AL-BASIRU 
(Mai ganin bayinsa) 
Wanda ya karanta ranar juma'a sau (100) Ubangiji zai bashi basira. 
 
28. AL-HAKAMU 
(Wanda ba'a juyar da hukuncinsa) 
Wanda ya karanta shi a karshen dare a bisa tsarki Allah zai kyautata badininsa sa zahirinsa. 
 
29. AL-ADALU 
(Ya tsarkaka ga barin zalinci) 
Wanda ya rubuta ranar juma'ah ko daren juma'ah sau (20) Allah zai hore masa dukkan halitta. 
 
30. AL-LADIFU 
(masanin boyayyen lamari) 
Wanda ya karanta shi sau (133) Allah zai yalwata arzikinsa. 
 
31. AL-KHABIRU 
(Babu abinda yake 6uya ga halittarsa) 
Wanda ya karanta sho sau (7) kwana (7) Allah zai ku6utar da shi daga wanda yake tsare da shi. 
 
32. AL-HALIMU 
(Mai rangwame) 
Wanda ya rubuta shi a takarda ya wanke da ruwa ya shafa kayan sana'arsa zai samu albarka a cinikinsa. 
 
33. AL-AZIMU 
(mai girman kadari) 
Wanda ya karanta shi a kullum sau (12) Allah zai kiyaye shi daga dukkan abin ki 
 
34. AL-GAFURU 
(Mai sitirce bayinsa). 
Wanda ya rubuta shi ya shayar da shi ga wanda hauka ya same shi zai warke nan take da yardar Ubangiji. 
 
35. ASH-SHAKURU 
(Mai bada lada). 
Wanda ya rubuta shi ya shayar da da shi ga mai jiki zai samu saukin jikinsa. 
 
36. AL-ALIYU. 
(Mai isa matuka). 
Wanda ya rubuta shi ya shayar da shi ga yaro karami Allah zai raya wannan yaron ya kai har girmansa 
 
37. AL-KABIRU. 
Mai girman sha'ani) 
Wanda ya karanta shi kullum sau (1000) Ubangiji zai maida shi akan mulkinsa 
 
38. AL-HAFIZU. 
(Mai isa matuka) wanda ya karanta shi a wurin da yake jin tsoro Allah zai kubutar dashi 
 
39. AL-MUKITU. 
(mahaliccin abinci). 
Wanda ya karanta shi akan tur6aya kuma ya shaki turbayar zai samu rimjaye a dukkan lamarinsa. 
 
40. AL-HASIBU. 
(Mai baiwa bayinsa). 
Wanda ya karanta shi sau (27) zai rinjayi makiyansa. 
 
41. AL-JALILU. 
(Mai girma akan komai). 
Wanda ya karanta shi zai samu kwarjini a cikin jama'a. 
 
42. AL-KARIMU. 
(Mai baiwa). 
Wanda ya karanta shi lokacin da zai kwanta Allah zai sanya shi cikin waliyyansa. 
 
43. AR-RAKIBU. 
(Mai tsinkayarayyukan bayi). 
Wanda ya karanta shi ga mai nakuda sau (7) zata haihu da gaggawa da izinin Allah. 
 
44. AL-MUJIBU. 
(Mai amsa rokon bayinsa). 
Wanda ya karanta shi a kullum Allah amsa rokonsa. 
 
45. AL-WASI'U. 
(Masanin komai). 
Wanda ya karanta shi Ubangiji zai kiyaye shi da yin hako ga bayin Allah. 
 
46. AL-HAKIMU. 
(Mai isa cikin hikima). 
Wanda yake yawan karanta shi Allah zai bude masa kofofin hikima. 
 
47. AL-WADUDU 
(Masoyin muminai) 
Wanda ya karanta shi sau (1000) zai sai soyayyar ubangiji (S.W.T) 
 
48. AL-MAJIDU 
(Mai cikakkiyar sifa). 
Wanda ya karanta shi yayin 6ude baki Allah zai kiyaye shi ciwon albaras. 
 
49. AL- BA'ISU 
(Mai aiko manzanni) 
Wanda ya karanta yayin da zai kwanta sau (100) Allah zai bashi hasken ilimi. 
 
50. ASH-SHAHIDU. 
(Masanin dukkan komai). 
Wanda ya karanta shi a kowane lokaci Allah zai tabbatar da shi akan gaskiya. 
 
51. AL-HAKKU. 
(Matabbacin samuwa). 
 
Wanda ya karanta shi Allah zai sanya arziki a hannunsa 
Zan Cigaba insha Allah 
Rariya.

Sunayen Allah (99) Tare Da Fa'idar Kowane Suna Da Kuma Yadda Za A Yi Amfani Da Shi

KARANTA KA KARU Huwaallahul ladhii laa ilaaha illaa huwa. Allahu (Sunane na ubangiji) shin ne madaukaki acikin sunayensa. Yana daga fa'idar sa idan mutum ya karanta shi sau dubu (1000) Allah zai bash…

Mun sha kuka a hannun masu garkuwa da mutane - Sheikh Ahmad Sulaiman

<center><img src="https://blogger.googleusercontent.com/img/b/R29vZ2xl/AVvXsEiJo1qAlU4z-U8IXzI9_C-LpkVRzPzGqMd43biYH-jSX0aeIbCHFo2r9VbRMQcb8SqjyIHaHKiIA2OurDDTd4fAe_eq64B6NgmBUiIxnT99wWoEUmKe35tli3li_5hKfap1vqcjkQYsJtLr/s1600/FB_IMG_1553714147866.jpg"></center> 
Fittacen malamin addinin Musulunci a Najeriya Alaramma Ahmed Suleiman ya bayyana irin ukubar da suka shiga a hannun masu satar mutane don kudin fansa. 
 
An yi garkuwa da malamin ne a ranar 14 ga watan Maris kan hanyar karamar hukumar Kankara a jihar Katsina da ke arewacin kasar. 
 
Amma a ranar Alhamis 27 ga watan Maris rundunar sojojin Najeriya ta ceto shi da sauran mutane biyar da aka yi garkuwa da su. 
 
Rundunar sojojin Najeriya sun ceto fitaccen malamin kungiyar Izalan nan a Najeriya Alaramma Ahmed Suleiman da sauran mutane biyar da aka yi garkuwa da su. 
 
Da yake jawabi a fadar sarkin Katsina jim kadan bayan ceto shi, Malamin ya ce al'amarin mummuna abun tunawa ne. "Sai dai Alhamdulillahi tun da Allah ya kwato mu," in ji shi. 
 
Ya kara da cewa: "Kullum su kan ce mana ai tun da yanzu aka ce hukuma ta shiga to Malam ba za ku koma gida ba, ko an kawo kudin nan sai mun kashe ku. 
 
"Kullum ba abin da muke ji a kunnuwanmu sai kalmar za a kashe mu, sannan a yi ta harba bindiga a gabanmu. Gaskiyar magana kwanaki ne masu wahala sosai,' in ji Malam Ahmad. 
 
Malamin ya kuma ce: "Sai dai hakan jarabawa ce kuma darasi ne. Ubangiji kan jarraba bawa don daga darajarsa ko yafe masa wasu zunubansa. 
 
"Ina gode wa Allah da rundunar sojin Najeriya da kuma malamanmu na kungiyar Izala. 
 
"Haka muke taruwa ni da yaran mu yi ta kuka," in ji Malam Ahmad. 
 
Ya kuma ce sai da ya sauke Al-Kur'ani mai girma har sau shida a kwanakin da suka shafe hannun mutanen. 
 
Sojojin sun bayyana cewa tun bayan garkuwa da malamin, shugaban hafsan sojin kasar Laftanar Janar Tukur Buratai ya ba runduna ta 17 ta sojojin kasar umarnin ceto malamin. 
 
Sojojin sun ce sun yi amfani da dabaru iri-iri da suka hada da tattara bayanan sirri da kuma aiki kafada da kafada da sauran jam'ian tsaro wajen ceto malamin. 
 
Sun bayyana cewa a yanzu haka malamin da sauran malaman da aka yi garkuwa da su na cikin koshin lafiya bayan likitocin sojojin sun duba lafiyarsu. 
 
Har ya zuwa yanzu, babu wani karin bayani kan ko an kama wadanda suka yi garkuwa da malaman ko ba a kama su ba. 
 
BBChausa.

Mun sha kuka a hannun masu garkuwa da mutane - Sheikh Ahmad Sulaiman

Fittacen malamin addinin Musulunci a Najeriya Alaramma Ahmed Suleiman ya bayyana irin ukubar da suka shiga a hannun masu satar mutane don kudin fansa. An yi garkuwa da malamin ne a ranar 14 ga watan …

An daure wani gafalalle har shekaru 7 saboda batanci ga Annabi Muhammad (S.A.W)

<center><img src="https://blogger.googleusercontent.com/img/b/R29vZ2xl/AVvXsEitJPB-ll0hDNC9oKSnDLk4LdHqQio2mQGVhgpeVeocbLYSmc_My3TdNXY7Iv1shRMWFlWxc9_TKbdN9xiaLDhyphenhyphenoXExg7C0R0rWOkn_6mGk-rvOaai2MUHyuCN7kkUWpSuDJPd7pyQ6LiAe/s1600/5c6cee9b79e9f.jpg"></center> 
A kasar Malaysia kotu ta yanke wa wani gafalalle da ya yi batanci da Addinin Musulunci da Annabi Muhammad Sallallahu Alai Wa Sallam daurin shekaru 7 a gidan yari da kuma biya biyan tarar dala dubu biyu da 445. 
 
A ranar 4 ga watan Maris ne mutumin mai suna Muhammad Yazid Kong Abdullah ya yi rubtun na batanci a shafin sadarwa na sada zumunta kuma a ranar Juma'ar da ta gabata ya amsa laifinsa wanda hakan ya sanya aka yanke masa hukuncin daurin shekaru 7 da tarar dala dubu 2,445. 
 
A ranar Asabar din da ta gabata ma an yanke wa wani mutum daurin shekaru 10 a kurkuku bisa kalaman batanci ga Annabin Tsira Muhammad (SAW) a kasar ta Malaysia. 
 
Rundunar 'Yan sandan Malaysia ta bayyana cewa, a 'yan watannin nan ana yawan samun karuwar yin kalaman batanci ga Musulunci da Annabin Rahma a kasar a shafukan sadarwa na sada zumunta inda ya zuwa yanzu aka kai musu korafi har sau 929. 
 
A watan da ya gabata a kasar wani dan kasar China ya yi wa Annabi Muhammad batanci a shafin sadarwa na sada zumunta wanda hakan ya sanya aka kama shi, kuma wasu sun gudanar da zanga-zanga a birnin Kula Lumpur. 
TRThausa.

An daure wani gafalalle har shekaru 7 saboda batanci ga Annabi Muhammad (S.A.W)

A kasar Malaysia kotu ta yanke wa wani gafalalle da ya yi batanci da Addinin Musulunci da Annabi Muhammad Sallallahu Alai Wa Sallam daurin shekaru 7 a gidan yari da kuma biya biyan tarar dala dubu bi…

"Yi wa mata kishiya zalunci ne" - Inji wani babban malamin addinin Islama

<center><img src="https://blogger.googleusercontent.com/img/b/R29vZ2xl/AVvXsEi21Xc8qoMF6wSaK0BM8rCn09BpGjBjlQ3E26elYLRpso1OT2ZfnaEZ9DbNRGqZ-M2ozo3k_uEaa1HZkLt-czr1DdBEQJuss1-JUDqVTryf39M_ZCcSTqF0ynqaC7mb-VzIKiaKZeXa0ozZ/s1600/5c83d840a4c7b.jpg"></center> 
Musulmai daga sassan duniya na ci gaba da yin caa kan babban limamin jami'ar Al Azhar ta kasar Masar,Cheikh Ahmed Al Tayib wanda ya ce, yi wa mata kishiya zalunci ne. 
 
A cewarsa wannan babban shehin,a yawancin lokuta mutane na auren mata fiye da daya ba tare da sun hafimci ka'idojin da Al Kur'ani ya gindaya ba. 
 
Mu'addibin ya furta wannan kalamin a wani shirin talabiji da kuma kan shafinsa na sada zumunta Twitter. 
 
Abinda yasa Musulmai daga sassa daban-daban na duniya suka yi caa kansa,amma nan take jami'ar Azhar ta mayar da martani,inda ta ce shugabanta bai haramta abin da Allah (SWT) ya hallata ba. 
 
Limamin ya ce : "Zama da mace daya shi ne daidai.Auren mace fiye da daya wani kebebben lamari ne na dole". 
 
Cheikh Tayeb ya ci gaba da cewa,"Wadanda ke cewa auren mace fiye da daya wajibi ne,ba su da gaskiya.Al Kur'ani mai tsarki ya bayyana cewar, Musulmi ba zai iya auren mace fiye da daya ba face zai ya zama adali.Tilas ne mu kula da mata,saboba sun kasance rabin al'umarmu Musulmai.",inji 
Tuni dai matan kasar Masar da na sauran sassan duniya suka jinjina wa babban limamin na jami'ar Azhar. 
 
TRThausa.

"Yi wa mata kishiya zalunci ne" - Inji wani babban malamin addinin Islama

Musulmai daga sassan duniya na ci gaba da yin caa kan babban limamin jami'ar Al Azhar ta kasar Masar,Cheikh Ahmed Al Tayib wanda ya ce, yi wa mata kishiya zalunci ne. A cewarsa wannan babban shehin,a…

Karanta hirar da aka yi da wanda basu yadda akwai Allah ba a Arewa amma suna tsoron bayyana kansu

<center><img src="https://blogger.googleusercontent.com/img/b/R29vZ2xl/AVvXsEiwJl0wpufL9jmwRgtQBbDcBuYb91PZexLemoDC56Ge7953BU8d3Y9ccZnBqhXOIzZn3p-J3l7b1Tq91phogOHWA3Ivx6Gxqxm-HzAIQqOx8A8KNrFfDscHnE2LeeuT_KzLbZJLpW8SFAAW/s1600/ac147a9cc95d4aaca856303930227d42_18.jpg"></center> 
Matashinnan dan jihar Kano, Mubarak Bala wanda ya bayyana cewa be yadda da kasantuwar Allah ba yayi hira da kafar watsa labarai ta Aljazeera inda ya bayyana cewa ya jagoranci kafa wasu kungiyoyi guda 3 a kasarnan da zasu taimakawa mutane wanda basu yadda da Allah ba su hadu dan samawa kansu mafita. 
 
Mubarak ya gayawa Aljazeera cewa a lokacin da ya gayawa babanshi cewa be yadda da kasantuwar Allah ba sai aka kaishi asibitin mahaukata kuma likitan ya rika gayamai cewa kowa na bukatar Allah, aka kuma bashi maganin da babanshi ya rika tursasamai sai ya sha. 
 
Aljazerar ta yi hira da mutane da dama wanda suma basu yadda da akwai Allah ba a jihohin Kano, Kaduna da babban birnin tarayya, Abuja. 
 
Mubarak ya bayyana cewa tun bayan da labarinshi ya bayyana ya rika samun kiraye-kiraye da kuma sakonni daga mutane daban-daban da suke ce mai suma basu yadda akwai Allah ba amma suna tsoron fitowa su bayyana saboda yanda mutanen Najeriya suka dauki addini da muhimmanci. 
 
Aljazeerar tace Mubarak ne kawai ya yadda aka bayyana sunanshi cikin wadanda ta yi hira dasu amma sauran duk sun bukaci a sakayasu saboda gudun kada su shiga matsala, akwai wanda yace shi dan babban basarakene kuma baban nashi da ya gano cewa be yadda da Allah ba yace mai kada ya gayawa kowa. 
 
Haka shima wani da aka yi hirar dashi yace shi dan babban malamin addinin musuluncine kuma baban nashi yana so ya gajeshi amma shi be yadda akwai Allah ba, yace baban nashi har yankashi da wuka yaso yayi kuma ya koreshi daga gidanshi sannan 'yan uwa duk suka rabashi da 'ya'yansu dan kada ya gurbata musu tunani. 
 
Haka kuma akwai kiristoci wanda suma suka bayyana cewa basu yadda akwai yesu ba da aka yi hirar dasu.

Karanta hirar da aka yi da wanda basu yadda akwai Allah ba a Arewa amma suna tsoron bayyana kansu

Matashinnan dan jihar Kano, Mubarak Bala wanda ya bayyana cewa be yadda da kasantuwar Allah ba yayi hira da kafar watsa labarai ta Aljazeera inda ya bayyana cewa ya jagoranci kafa wasu kungiyoyi guda…

LABARI DA DUMI DAMINSA : An rufe ofishin Malam Daurawa

Daga Salisu Yahaya Hotoro Biyo bayan jagorantar jaddada mubayi'a ga Jagoranmu Sanata Rabiu Musa Kwankwaso da Kwamandan Hizbah na jihar Kano Mal. Aminu Ibrahim Daurawa ya jagoranci manyan Malaman addi…

Load more posts

Gidan Technology Da Media

VIDEOS LATSA HOTON KA KALLI VIDEON

Wata mata ta zo daga Amurka domin ta yi ido biyu da Sheikh Dahiru Bauchi

Bidiyon da ake yadawa cewa naje shakatawa a Amurka da matata ba gaskiya bane - Inji Kabiru Gombe

Innalillahi Wa'inna Ilaihirraj'un Mahaifiyar Shehin Malami Dr. Mansur Sokoto Ta Rasu

Sunayen Allah (99) Tare Da Fa'idar Kowane Suna Da Kuma Yadda Za A Yi Amfani Da Shi

Mun sha kuka a hannun masu garkuwa da mutane - Sheikh Ahmad Sulaiman

An daure wani gafalalle har shekaru 7 saboda batanci ga Annabi Muhammad (S.A.W)

"Yi wa mata kishiya zalunci ne" - Inji wani babban malamin addinin Islama

Karanta hirar da aka yi da wanda basu yadda akwai Allah ba a Arewa amma suna tsoron bayyana kansu

LABARI DA DUMI DAMINSA : An rufe ofishin Malam Daurawa

Popular Posts

Blog Archive