Cardi B Nason Zama 'Yar Najeriya

Mawakiyar nan Cardi B ta ce tana neman takardar shaidar zama 'yar Najeriya bayan da Amurka ta kashe Kwamandan Iran.
Madogara : bbchausa
.
Mawakiyar 'yar Amurka mai salon wakar "rap" ta nemi shawarar masoyanta da su zabar mata suna irin na 'yan Najeriya.
.
Ta bayar da zabi guda biyu kan sunan da take so wato tsakanin Chioma B da kuma Cadijat.
An sake wallafa rubutun da tayi a tuwita fiye da sau 10,0000.
.
Jaridar Premium Times ta Najeriya ta ruwaito cewa an rada mata sunan Chioma B irin na 'yan Najeriya, a ziyararta ta farko da ta kai wa Najeriya a Disamban 2019, yayin da kuma jaridar ta ce masoyanta musulmai 'yan arewacin kasar, sun zabar mata sunan Cadijat.
.
A ranar uku ga watan Janairun shekarar nan ne Cardi B ta wallafa a shafinta na tuwita cewar, tana neman takardar shaidar zama 'yar kasar Najeriya bayan da Shugaba Trump na Amurka ya ba da umurnin kashe Kwamandan Iran Qasem Soleimani.
.
Shugaba Trump ya ce suna da tabbacin cewa, Soleimani na shirya kai hare-hare wa Amurka kuma sun kashe shi ne a harin jirgi da Amurkan ta kai wa Baghdad ranar Juma'a.
.
Mawakiyar tace wannan shi ne mafi munin mataki da Shugaba Trump ya taba dauka.
.

Kisan ya janyo tashin hankali a yankuna da dama, yayin da Iran ke barazanar 'ramuwar gayya'.

Mun Dauko Daga Shafin Hausaloaded.com

©HausaLoaded